尚合金龍落班有「基」

猪拉多纳

　　今期谷草賽事，不少田草明星馬轉來試腳，例如東廐「牛精好友」、高廐「誠信寶駒」等等，究竟結果係影都冇？還是贏到開巷？不得而知，但一定唔會好分，這類場合還是可避則避好了。

　　第一口孖T頭關第三場五班1200米，「尚合金龍」今次落五班上陣，O'Reilly子嗣向來早熟，但牠至今六戰仍未跑入三甲，確實有點失望。惟經過一輪減分後，走勢愈見進步，不妨給予多次機會。

　　此駒上仗還原基本步，出爭四班田草1000米直路賽，鞍上人為湯智傑。該役牠雖排外檔，但由於末段輕微內閃，故此只能夠於內叠不利場地追趕，然而其後勁並沒有因此而減弱，爆出23秒24末段跑第五，稍遜於頭三甲馬匹而已。這次落班兼轉谷草，對手弱了一大截，此駒上年十一月曾試過1000米谷閘，走勢不俗，這次終於轉場，強配郭立基，不宜忽視。

　　尾關四班1200米，雖說是遺材賽，但值得重視的馬亦不少，在下最後揀了「軍士」作膽，皆因牠上次出爭四班田草1600米，於慢步速下大後上追近，而該役以相同跑法作戰的「友誼大使」再出再贏，「勇進」接戰亦獲季，足證賽事水平唔低，今次「軍士」轉跑上季曾勝的谷草1200米，只要出閘順利，穩入三甲。洋超