武里南聯拆仙台

猪拉多纳

優質外援撐起泰國新勢力

東亞球壇近年形勢唔同咗，中、日、韓球會實力差距愈拉愈近，主要因為中國資金多，引入好多優質外援；反觀日本整個球圈都缺水，高質外援買少見少，整體水平明顯低咗。東亞另一新興勢力係泰國，兩支名牌球隊蒙通聯同武里南聯財力雄厚，武里南聯更擁有唔少優質外援，今輪主場對日本嘅仙台維加泰可秤先。

（now 671周三晚7時直播）

搞波最緊要有支大水喉射住，咁先吸引到猛將幫手，泰國新崛起球隊武里南聯2010年被華裔富商陳乃溫收購，有財有勢下決心將佢哋打造成亞洲頂級球隊，依家班波有幾個高質西班牙兵，好似副隊長後衞奧斯馬爾同中場岡薩雷斯，佢哋踢開西甲，去到泰國自然大超班，出到亞洲賽一樣夠分量，另外仲有個日本前鋒平野甲裴助陣。
冇得受讓露手影

武里南聯今屆喺亞冠盃被編埋同FC首爾及仙台維加泰等日、韓球隊一組，家陣仲有機會出線認真犀利。以往泰國球隊主場鬥日本球隊實有得受讓，現時莊家開緊平手盤，個盤好硬淨，呢場主隊有計！

同日歐聯4強大戰，多蒙特主場對皇家馬德里，論名氣皇馬梗係高過對手啦，不過兩隊今屆分組賽交手時，多蒙特踢落完全不落下風，佢哋喺主場出戰根本係XX波佔上風，家陣唔使讓波抵玩到暈，平手盤必捧主隊！