格雷漢諾威互無優「細」

猪拉多纳

今晚絕大部分係二線波，不過（五）23格雷特霍夫主場對漢諾威嘅德甲賽事，已算做最有睇頭，但睇波嘅朋友就因住悶到瞓着！德甲去到直路階段，格雷特霍夫仲未享受過主場贏波滋味，15戰4和11負之餘，最慘係每場平均入波連半球都冇。之不過漢諾威亦唔好得去邊，箭頭馬美迪奧夫同耶高蘭近排集體死火，陷入長達7場嘅入球荒，既然兩邊都冇入波本錢，梗係捧1.9倍入球細。

至於（五）28爭取來屆歐洲賽入場券嘅艾斯杜尼，目前喺葡超打出一段主場4連勝氣勢，今晚再喺自己地頭出戰根本唔赦布拉加，受讓一球下，1.63倍「讓主」咪錯過。