摩納哥贏波升班撳唔色

猪拉多纳

球季進入尾聲，投X前一定要睇實積分表形勢，法乙榜首球隊摩納哥今晚只要作客擊敗色當，就可以重返法甲，呢支04年歐聯亞軍演出超班，踏入今年未嘗一敗，近期更愈戰愈勇，全力衝刺，肯定唔會放過喺尾二弱隊色當身上搶分，阿King認為客W有2.1倍非常抵玩。

（周二凌晨2時30分開賽）
色當護級有心無力

曾經7次奪得法甲冠軍嘅摩納哥因為財困，搞到兩年前降班，從好一方面睇，令球會有喘息及重組機會。今季請來前車路士領隊雲尼亞里執教，終於全面起飛，長期位居榜首，現時拋離第四位卡昂10分，兼踢少一場，換言之今場只要全取3分就可以提早4輪取得升班資格。摩納哥今年14場聯賽8勝6和，近兩場全勝轟入6球兼不失，明顯處於衝刺狀態，等閒之輩勢難招架。

至於色當要搶分護級，冇錯球隊有鬥心，但礙於質素低，首循環就以1比3不敵摩納哥，恐怕今仗難有作為。德乙方面，凱沙羅頓亦正為升班附加賽席位搏命，今仗作客遇上已放軟手腳，等收咧嘅科特布斯，客勝同樣可取。另外，葡超一哥賓菲加因為周中有歐霸盃4強次回合後顧，今仗作客馬里迪莫或有保留，建議要細。