信多蒙特入到波捧下盤

猪拉多纳

歐聯四強首回合後，依家無人再敢睇小德甲球隊喇！我豬Wen大大話話做過嘅德甲直播接近一千場，眼見佢哋嘅豪門買球員出手愈來愈豪，聚集咗愈來愈多高質素球星，德甲可能好快就成為四大聯賽之首添呀！
鬥中場皇馬吃虧

皇馬首回合作客畀多蒙特入四球，咩面都無晒，好彩畀C朗轟返入一個作客入球，晉級不至於完全絕望。今晚返回主場畀莊家睇好贏波，問題係會唔會贏波出局！歐洲方面平均主勝賠率1.61左右，截稿時馬會更低開1.48倍，讓球盤主隊亦要讓一球。的確，巴拿貝威力唔使懷疑，今季喺主場踢歐聯未輸過，分組賽主場對多蒙特打成2:2。但係上周中作客輸1：4嗰場皇馬條中場真係完全搶輸晒，今晚若果再係咁，想主導場波都幾難。

多蒙特首回合班正選球員平均細皇馬兩年，中場拍到皇馬好緊，上場入四球嘅「羅拔仔」今晚一定畀皇馬「嘜」到實。好彩多蒙特中場重有其他球員有入球能力，若果畀多蒙特偷到一個作客入球，皇馬就真係難踢喇，我一於支持多蒙特下盤！

賽前AC米蘭個「腦殘」巴洛迪利話，若果皇馬可以反勝多蒙特入決賽，佢就會畀女朋友同全隊皇馬過夜當獎勵喎！哼！佢都幾唔尊重佢另一半之餘，人哋皇馬班人都未必肯受啦！
Wendy推介：

皇家馬德里對多蒙特

多蒙特 下盤