泰國經濟好帶旺武里南聯

猪拉多纳

泰國近年經濟環境好咗，連帶足運發展都有明顯進步，呢個世界係咁現實，搞波淨係有心唔夠，一定要有錢先搞得成。泰國球會武里南聯喺今屆亞冠盃異軍突起，正正反映泰國波已成亞洲球壇新興勢力，佢哋仲要搶分爭出線，今場E組分組賽作客FC首爾實搏，戰意鮮明可秤先！

（now 671周三晚6時30分直播）
外援質素高 唔怕FC首爾

以往泰國球隊喺亞冠盃只係陪跑分子，但依家當地聯賽整體水平提升咗好多，武里南聯出到亞冠盃都有得揮。梗係啦，佢哋買埋唔少星級外援，幾個西班牙兵打西甲都掂，有咗呢類高質球員帶住班波，踢落自然高好多。FC首爾已經肯定首名出線，呢場波只係例行公事，南韓球隊好多蠱惑嘢，呢啲時候讓波絕對靠唔住，捧對家！

同日歐聯4強次回合大戰巴塞隆拿回師主場對拜仁慕尼黑，依家嘅拜仁有如當年如日方中嘅巴塞，攻得又守得，首回合踢到巴塞完全冇得打，好似荷蘭全盛期十上十落咁犀利，機動到不得了！巴塞依家讓緊半球，睇落好似好筍咁，但係拜仁真係好癲，作客都有得揮，呢場可博下盤。由於巴塞會狂攻，相信入波會偏多，可以兼顧埋入球大。
肥叔心水

武里南聯下盤

FC廣州上盤

拜仁慕尼黑下盤、大