中冠盃決賽次回合撐蒙特雷1.88倍「冠軍」

猪拉多纳

歐聯去到4強次回合階段，而地球嘅另一邊就上演中北美洲冠軍盃決賽次回合，正邁向3連霸嘅蒙特雷，首回合作客0:0打和同樣來自墨西哥嘅拿根亞，今鋪返主場有望捧盃，由於讓平半上盤得1.82倍，倒不如博1.88倍「冠軍」仲抵。

（開賽時間：周四早上10:00）

今戰其實係上屆決賽翻版，去年蒙特雷於首回合主場先勝2:0，次回合雖以1:2不敵拿根亞，但兩回合計仍然贏3:2封王，今屆蒙特雷於首回合力保不失，次回合返主場無疑值得睇高一線。
拿根亞近2戰冇波入

雖然蒙特雷於國內聯賽排名比拿根亞低5位，不過佢哋喺中北美洲冠軍盃表現突出，今屆踢咗9場波共取得7勝2和，佢哋嘅近績亦唔曳，近5戰僅失1球之餘，近6次主場亦取得5勝1和，今仗面對近兩戰都冇波入嘅拿根亞，可謂勝券在握。

首回合：蒙客和0:0
足球重心：蒙特雷（冠軍）、小保加（入球細）

馬膽推介：2場1尚駿心

今季雖稍稍退步，但面對4班質新精英仍然跑得接近，證明尚有戰力，今仗首次於5班出戰直路賽，面對「名城」及「寶德」等似是而非嘅熱門，係時候贏番場。