13哥連近況勇咪睇「小」

猪拉多纳

明早（三）13南美自由盃16強首回合，小保加近期狀態跌落谷底，就算喺主場出戰都信唔過，博哥連泰斯1.99倍平手盤坐和望贏！

小保加連續兩仗主場悶和0:0，進攻火力弱爆不特止，作客仲要衰到連輸3場，又試過畀對手大炒6:1，講真有列基美壓陣都幫唔到幾多。至於哥連泰斯就有中場連拿度奧古士圖、杜格拉斯山度士同後衞古靴美安達迪等球員養傷，好在戰績完全冇受影響，最近7場贏到6場之餘，當中5場仲係淨勝對手，雙方狀態此起彼落，唔使講梗係撐當頭起嘅哥連泰斯！緊接嘅（三）14中冠盃決賽次回合，蒙特雷同拿根亞喺首回合踢成0:0，戰術保守到不得了，再者雙方近8場全部開出「半場細」，咁好路當然要撐佢哋繼續「細」水長流啦。