諾咸頓主場強勢要追

猪拉多纳

周五凌晨上演兩場英乙升班附加賽首回合，諾咸頓近十場主場贏九場，氣勢如虹可擒車頓咸開上盤。另一場巴拉福特主場對伯頓屬勢均力敵之戰，預計入波唔會多，首選細盤。

（周五凌晨2時45分開賽）
巴拉福特伯頓吼細盤

英乙附加賽由聯賽四至七名角逐，採兩回合淘汰制，勝方入決賽爭逐最後一個升班資格。先講諾咸頓主場鬥車頓咸，車頓咸近六次對賽未輸過，包括今季聯賽雙殺對手，不過諾咸頓踏入2013年後愈戰愈勇，其中最近十場主場贏足九場，成為取得升班附加賽資格最大關鍵。反而車頓咸季尾演出稍見回落，對上三場作客輸兩場，正所謂寧捧當頭起，主隊讓平半上盤值得捧場。至於另一場巴拉福特對伯頓形勢接近，今季聯賽兩次碰頭都係一球分勝負，相信入波都係一球起、兩球止，捧細盤啱數。
富明尼斯受讓着數

最後串埋周五早上一場南美自由盃十六強首回合，厄瓜多爾艾美歷克主場鬥巴甲富明尼斯，富明尼斯三場作客分組賽未輸過，加上巴甲球隊近年喺自由盃都有好表現，作客實力平庸嘅艾美歷克未驚過，富明尼斯受讓平半可捧下盤。

（周五早上9時30分開賽）