富咸主場掃雷攞彩

猪拉多纳

周末晚英超富咸主場對雷丁，上輪雷丁同昆士柏流浪打和，齊齊失分之後已肯定降班，相信對球員心理造成好大打擊。倫敦球隊富咸現時位列中游，與降班區域有一定距離，表面上同雷丁一樣冇嘢好爭。但富咸於主場出擊，總要向班「粉絲」交代，鬥心應比對手稍強，主W較為可取。

（有線304台周六晚10時直播）
雷丁篤定降班無心戀戰

除咗話要同「粉絲」交代之外，富咸亦都要透過正式賽事去作陣容測試，為暑期添兵制定清單。實在絕大部份球都會喺暑期作出人腳變動，無論新收購或者從預備組提升，教練團隊都要喺短時間之內制定好計劃書，以向球隊班主或者管理層取得財政支持。故此富咸未來幾場聯賽都會認真對待，為來季做初期工作。以度士嘅經驗推斷，富咸有可能會派少量二線兵落場吸收經驗，不過大家唔好睇少呢班後生仔，佢哋一有機會落場就會拚盡所有，希望憑出色表現升上一線行列。後生仔求上位「唔錫力」，或者比班老波骨更加有鬥志。

雷丁降班已成事實，相信陸續會有球員離隊。加上失去英超席位後收入必減少，來季未必養得起班高質球星，暑期放售以降低球隊財政負擔在所難免。相信雷丁球員將會各散東西，鬥志肯定下滑，今場揀主W較合理。