凱沙羅頓爭三破福

猪拉多纳

提起凱沙羅頓，大家自然會諗起佢哋96年降班、98年重返德甲後即刻奪冠，創造升班馬奇迹嘅威水史，好似布林美、波歷克、高路斯等名將，都喺該隊聲名鵲起。呢支上季喺德甲包尾嘅「紅魔」，依家位列德乙第三位，大有機會爭到升班附加賽資格，不過佢哋只係多緊隨其後嘅科隆、FSV法蘭克福1分及2分，三哥之位仲未穩陣，好彩射手艾迪素腳風超順，近五聯賽轟六粒，今仗主場硬撼競爭對手FSV法蘭克福唔會腳軟，主勝手到拿來。

（周日晚7時30分開賽）