AC強鋒摧毀拖連奴

猪拉多纳

朋友A經常同老細賭錢，但10賭10輸，於是朋友B問，點解明知輸都仲要賭呢？朋友A就咁答：「我夠知肯定輸啦，我擺明醒佢嘅，我老細嚟o架嘛！」朋友A嘅收入只係一般，對屋企人更加係不聞不問，最過分嘅，係朋友A攞嚟「奉獻」嘅錢，其實係屋企人籌畀佢嘅！朋友A竟然可以大條道理，助長佢老細嘅氣燄、等呢種風氣繼續盛行，朋友A咁做，係害公司，唔係幫公司呀！
AC取消北京表演賽

早兩日，小妹跌咗大約15蚊。小事？喂，15蚊呀，好多公公婆婆執紙皮執好耐先儲到o架！小妹雖然唔鍾意賭錢，但為咗幫讀者拎番呢15蚊，惟有畀心機搵料刨波啦！

AC上星期反勝卡坦尼亞4:2，小妹有上網睇，見到復出嘅巴神踢意甲好似識飛咁，臨尾仲博到12碼操刀建功添，狀態勁好，就算係後備前鋒柏仙尼，一出嚟都有士哥，可見AC鋒力係幾咁恐怖吖！趁「紅黑軍」家陣仲要搏命保住聯賽3哥位踢來屆歐聯，當然要追佢哋追到季尾啦！AC尋日又喺twitter度宣布，取消今個月25號同阿積士喺北京踢嘅表演賽，原因係想好好為下季組軍、備戰歐聯外圍賽喎，決心咁大，唔通今晚會甩拖失威咩？

對家拖連奴狀態勁曳，近5戰4負1和，其實又難怪嘅，呢支都靈球隊質素有限，早排又以為自己搶夠分等收咧，家陣無啦啦又捲番入降班漩渦，要佢哋突然撻番着，邊有可能吖？一於熱捧AC 1.7倍「讓主」啦！
微博傳情：考車牌1Take Pass

都話小妹係「叻豬」嚟o架啦！嘻嘻！咩呀，小妹考車牌一Take Pass喎，咁都唔叻？哈，講笑啫，以後大家喺馬路見到我，記住讓一讓、提點吓小妹喇！
推介：AC（讓球主勝）