馬體會獻細 皇馬做大騷

猪拉多纳

由於兩支馬德里市球隊下周五要喺西班牙盃決賽火併，所以佢哋今晚提早上演第35周西甲聯賽，頭場有切爾達主場對馬體會，尾場有皇馬迎戰馬拉加。由於皇馬同馬體會基本上篤定分列二、三名，焦點反而係佢哋嘅對手能否取得關鍵3分。
切爾達咬唔入頂盡和波

先講切爾達主場對馬體會場波，主隊排緊尾二，為求護級戰意無疑秤先，今仗受讓平半亦有可捧之道，不過對手馬體會雖然無欲無求，但近期作客表現其實相當硬淨，雖然火力唔強，勝在連續5場客戰冇失波，相信切爾達頂盡都係和波收半格，因此1.7倍入球細先至係投X首選。

（now632台周四凌晨1:30直播）
馬拉加搶分爭前6

至於尾場出擊嘅皇馬，近期入球停不了之餘，近10場聯賽亦有9場未能保住清白，今仗又有馬些路、沙治奧拉莫斯及艾比路亞3大守將唔踢得，相信防守不穩問題仍難望改善，主場迎戰仍需搶分爭前6嘅馬拉加，難保不失，即使入球大細中位數改做3.5球，仍要追多次1.8倍入球大。

（now632台周四凌晨3:30直播）