亨特拉爾拍心口唔走 史浩克士氣大振鑊氣夠

猪拉多纳

德甲仲有兩輪，今晚史浩克04同史特加對戰，作客嘅史特加已經無欲無求，戰意同實力都係史浩克04佔先，何況主隊射手亨特拉爾復出後狀態大勇，全隊喺佢感染下士氣大振，要炒有兩大後防主力停賽嘅史特加唔難，捧1.77倍「讓球主勝」。

（有線64及203、廣東體育周六晚9:30直播）
史特加兩連敗等放假

破紀錄提早封王嘅拜仁慕尼黑，今晚喺主場出戰奧格斯堡後，會攞埋個冠軍頒獎禮同班擁躉開心吓，想睇咁Happy嘅場面，大家到時可以留意有線61、201直播。人哋就捧「沙律碟」，可憐史浩克04仲要為歐聯資格搏命，佢哋依家排聯賽第4位，最後兩場只需要攞多4分，就可以獲得下屆歐聯參賽資格，戰意當然唔使懷疑。雖然今晚有中場新星達斯拿停賽，好在亨特拉爾肯定上陣，自從呢位射手復出後，史浩克即連贏兩場，而且佢已經表明下季一定留隊，對士氣大有幫助，主場出擊有殺無賠！

史特加依家排第12位，近兩場聯賽吞咗奧格斯堡同格雷特霍夫3蛋同2蛋，球員已經無心戀戰，最弊呢場仲有魯迪格同酒井高德兩個守將坐波監，防守力弱上加弱，作客去到史浩克真係凶多吉少。
頂占筍盤：史浩克04（讓球主勝）