跟足智彩睇淡烏德勒支

猪拉多纳

今日足智彩開咗69場盤，「四眼哥」睇咗兩場比較少玩嘅聯賽，分別係荷甲嘅烏德勒支對荷華高斯，同埋阿甲秋嘅聖馬田聖祖安對小阿根廷人，兩場「四眼哥」都會撐客軍。

先講場荷甲，兩隊近況一個天、一個地！主隊近6場聯賽5贏1輸，客軍近6場就1贏1和4輸，歐莊開盤明顯係睇呢樣，所以歐平主勝熱到得1.54，客勝就去到5.48。其中大莊如William Hill同Interwetten，更加重手調低主勝，完全當客軍無料到！
玩埋小阿根廷人

但足智彩操盤手，就同歐莊大唱反調，開出一個近乎全球最好分嘅主W，同時大幅調低客勝賠率。咁情況之下，「四眼哥」唔會再考慮足智彩操盤手係咩理據，一於照跟睇死主隊！畀歐莊套戥當前足智彩都未驚，「四眼哥」買嗰一百幾十，唔係笠水嘛？博受讓嘅「讓球客勝」！

場阿甲秋一樣，客軍排名低、近況三連敗，足智彩依然調低佢個客Ｗ。不要問、只要信，撐受讓平半嘅小阿根廷人 。