的確好靚有墊底飛

猪拉多纳

　　今晚八場跑馬地賽事，有兩場係遺材賽，呢類場次應該係均勢場合至啱，但係噚晚睇飛數，第二場竟然搵到重心馬，佢就係上次跑第二嘅「奀皮仔」，隔晚獨贏賠率曾得3倍，位置仲賣到得一戙，信心咁大，相信贏馬補中唔係問題。

　　怪飛馬揀第一場「的確好靚」，呢匹馬上季尾明明仲成日入三甲，但唔知咩事，今季竟然走咗樣，八場只係得兩次跑第四，最初都仲有人跟吓風落飛，但結果都係唔得，所以近三仗都冇人問津，賠率冷到痺。但係，佢今次竟然有隔晚飛，曾經得9倍，既然有飛，不妨追多次。

　　騎師王方面，潘頓得2.4倍，信心十足，好難唔捧佢。周仲