蔡約翰強陣搶胡

猪拉多纳

　　蔡約翰有冇機會成為今季冠軍練馬師？存在太多未明朗因素，正所謂前無去路，後有追兵，暫未能拉近與葉廐頭馬差距，緊隨後面東方兩廐又步步進逼，如果再唔發力，短期內或跌出前三名都未定。

　　其實，蔡廐近期真係幾「立」，本來四月好哋哋，單月贏10場頭馬，氣勢如虹，誰不知五月跑了5期賽事，攞得兩場頭馬，簡直係天堂與地獄！如果再持續下去，神仙都難變。

　　今次蔡廐大軍壓境，頭場新馬賽派夠3駒，另外，第五至十場均有馬出戰，睇完出賽馬匹名單，搶胡心態劃公仔劃出腸。

　　第六場「慣勝福星」，初出跑第三名，輸在末段意外，唔係受阻，早已改寫戰果，四班大超級，根本冇得收。第八場「品學兼優」，演出可靠，跑長途最正宗，班次未盡，穩位望贏。第九場「如你所願」，連趙兩場四班賽，升班輸到三甲不保，班次壓力係咪真喺大得咁緊要，還是當日場地不合，呢次轉爭草地賽事正好試煉其能力。Jack