信足智彩撐聖美倫

猪拉多纳

一位辭埋工全職發展賭波事業嘅舊同事講過，賭波要有信念，要忠於自己嘅揀波方法，「四眼哥」一直視呢位舊同事係神級賭徒，對佢好多嘅論點都萬分認同，尤其係「信念論」！
蘇超風流波隊隊等收咧

今日，「四眼哥」繼續依照自己嘅信念，揀咗場蘇超基爾馬諾克對聖美倫推介畀大家。

蘇超邊隊冠軍同降班經已成定局，各隊基本上都係冇嘢好爭，戰意難測，一般情況下都唔係理想嘅投X場合。之不過，今場足智彩操盤手又同歐莊「對着幹」，開出幾乎全球最好分嘅主勝，同時重手調低和波同客勝，動態唔似無根無據。蘇超喺嗰個時段算係多人關注嘅賽事，開錯盤分分鐘同開倉派米冇分別，信足智彩操盤手，一於博主隊基爾馬諾克W唔出，要聖美倫受讓嘅「讓球客勝」。