信雲格買廠客客

猪拉多纳

韋根上周中對阿仙奴如果下半場初段把握力好啲，或者唔使搞到大敗，拎完個英足盃就降班！阿仙奴呢場大勝令爭前四嘅路途變得平坦，今晚作客已經成功護級嘅紐卡素自然更有信心。

對於雲格嚟講，當然唔想紐卡素降班，皆因原來喜鵲近十一次對兵工廠只曾一勝，簡直就係雲格嘅私人提款機。仲有一個對紐卡素更不利嘅數據，就係佢哋近十季踢英超收咧戰，又只係贏得一場，好彩紐卡素已經上岸，否則柏杜聽到一定心慌。
紐卡素鬧門將荒

當然，你可以話數據都係用嚟破嘅，不過論近況紐卡素都唔稱得上係好，除咗上兩場主場食白果外，上場作客QPR都只係險勝，而且佢哋正、副選門將告魯爾、洛艾利洛分別一傷一停，原本等退休嘅卅八歲老將夏柏都要上陣，上次紐卡素作客大敗三比七畀阿仙奴，唔知佢怕唔怕好似告魯爾咁再失7球？

阿仙奴近期成績相當好，近九戰七勝兩和不敗，係全英超近期取得最多分數嘅球隊！佢哋依家壓住熱刺一分，只要今晚生性贏波便可達標，取得前四！雲格上季講過有得踢歐聯就係冇獎盃嘅冠軍，仲好過拎英足盃、聯賽盃。

雖然球迷或者會覺得雲格冇志氣，但事實上歐聯對球會收入同收購球員都有好大正面影響，一講起搵錢，冇理由信唔過雲格！所以阿仙奴一定去盡，小妹一於冇有怕，支持佢哋半全場「客客」！