女粉絲因佢至睇波

猪拉多纳

近期有兩宗震撼球壇嘅消息，第一當然係曼聯領隊費格遜宣布退休，上周其愛徒碧咸亦決定掛靴，結束其傳奇嘅職業球員生涯，Peter覺得「萬人迷」此舉實屬明智，他剛替巴黎聖日耳門十九年來首次在法甲封王，成為首位曾奪英、西、美、法聯賽錦標嘅英國人，在此高峰一刻勇退急流，讓球迷留住美好嘅回憶，總好過踢到又老又殘、衰收尾咁唔光彩喇。
碧咸有三大特點

Peter認為碧咸有三個特點，值得球壇銘記，第一係佢雖然經常射入靚罰球，卻係一名以助攻見稱嘅團隊球員，其「七旋斬」傳中波為人津津樂道。第二係「萬人迷」同歌星太太維多利亞呢對「足球+娛樂」嘅絕配，生活奢華高調，非常吸睛，不斷製造茶餘飯後八卦話題，自然成為傳媒寵兒。第三係碧咸嘅出現，令女球迷嘅數量激增，Peter可以大膽講句，依家有三分一嘅女粉絲，都係因為咸哥嘅俊俏外貌而愛上足球。

古往今來，球壇好波之人多的是，但要做到第二、三點，真係鳳毛麟角，亦係碧咸嘅特別之處。

金句：名成利就要勇退急流