葉忘我備戰搶W

猪拉多纳

日本職業聯賽20周年Party今日繼續，不過助興嘅全部係日乙波。睇嚟睇去，實力派球隊今日多數都熱唔透，決定博正常啲嘅（日）9千葉市原對松本山雅個主勝，事關千葉班人備戰好投入。

睇好千葉，原因係論近況佢哋秤先些少，而且兩隊都擅長主場搵食，過去兩次對賽都係主場一方勝出。最重要係，千葉球員準備場波達到忘我境地，龍門岡本昌弘、中場米倉恒貴响過去一個禮拜先後生日，但壽星仔本人居然唔記得咗；另一個龍門碓井健年前日初次做老竇，一樣跟足操練冇遲到早退，有呢班咁投入嘅球員，千葉個1.65倍主W抵博o架。