拉科搶分護級「愛」得過

猪拉多纳

西甲入直路，護級球隊戰意零舍旺盛，今晚拉科魯尼亞主場出擊迎戰愛斯賓奴，3分應該冇甩拖，一於撐1.53倍主W！

（now632台周日晚11:00直播）

拉科上周雖然輸畀華拉度列，4勝3和不敗強勢斷咗纜，但經過一星期調整，相信班球員會咬住道氣再搏殺。今季入咗13粒嘅前鋒里基愈踢愈好，防線又有馬真拿拍住艾蘭蘇比亞，難怪近4仗加埋只係失咗2粒咁堅啦！

對家愛斯賓奴上岸後係咁放分畀有嘢爭嘅球隊，反而上周面對同樣無欲無求嘅皇馬就踢成1:1，神神化化，今晚造訪水深火熱嘅拉科，隨時又擺低3分走人。