拉瓦勒細頂查多魯

猪拉多纳

煞科戰和波唔駛降班

法乙今晚煞科，三支升班球隊已經塵埃落定，唯一懸念係拉瓦勒定勒芒會陪GFCO阿些斯奧及色當降班，拉瓦勒主場迎戰查多魯只要和波便幾可宣布護級成功，佢哋主場成績一向唔標青，相信今場會踢得更加保守，首選1.85倍入球細。

（周六凌晨2時30分開賽）

目前榜末形勢，GFCO阿些斯奧及色當已篤定降班，排第十七嘅拉瓦勒領先尾三勒芒兩分，而且得失球差領先十六球，換句話講拉瓦勒只要多取一分便九成可以護級成功。表面睇對手查多魯位列中游，戰意一般，拉瓦勒於主場出擊，理論上值得睇高一線。不過翻睇佢哋今季主場成績，十八場聯賽只得六勝，勝率僅得三成左右，而且對上三場主場輸兩場，唯一和波都係靠對手完場前嘅烏龍波先保住不敗，根本冇地利可言。既然今場和波都達標，相信佢哋自己知自己事，後防唔會過分「輕出」讓對手有機可乘。查多魯全季作客聯賽未贏過，對上五場作客都開細盤，今場續追細盤啱數。
甘岡迪安勢演入球騷

榜首方面，摩納哥已穩奪冠軍，前列分子南特及甘岡亦已取得升班資格，故此今輪只係排名之爭，甘岡係今季法乙主場成績最好嘅球隊，而且主場入球數字亦係法乙之冠，今輪主場迎戰攻力同樣強橫嘅迪安，入球大係不二之選。