皇馬等放假 蘇斯達搵着數

猪拉多纳

英超、德甲、意甲煞科後，投X重心落晒喺西甲，爭歐洲賽入場券及護級球隊值得留意，今日睇場皇家蘇斯達主場對皇家馬德里。蘇斯達為保聯賽第四位歐聯參賽資格，餘下兩仗必定搏盡，但對皇馬而言，只屬例行公事，特別係教練莫連奴確定收咧後走人，球員更加唔會為佢賣命，平手盤皇家蘇斯達屬不二之選。

（now 632周一凌晨2時直播）

蘇斯達與華倫西亞同分，只靠較佳對賽成績排第四，稍一不慎失分，隨時被華倫反超前，餘下兩仗對蘇斯達極為重要，幾大都要搏埋佢。事實上，蘇斯達踏入13年後，表現相當可人，近18場僅一敗，包括擊敗巴塞隆拿、馬德里體育會及華倫西亞，有地利支持下，絕對唔怕皇馬。

皇馬內部太多勾心鬥角，內耗極大，球隊已鎖定亞軍，教練莫連奴亦落實離任，餘下賽事當熱身賽踢都似。一般情況下，兩軍交手皇馬作客亦應讓波，依家開平手盤，部分莊家仲開蘇斯達讓波，明顯睇淡皇馬。
馬略卡肉緊過馬體會

睇埋護級，馬略卡形勢危急，餘下兩場都係生死戰，今仗對手馬體會剛捧完西班牙盃，亦攞咗歐聯入場券，今季已經完成任務，加上日前特登飛咗去新加坡一轉踢表演賽，球員依家等抖暑，主場亦唔慌會搏，捧馬略卡下盤。