鄭雨滇3W最醒

猪拉多纳

大賽日好多時都係由幾位前列騎練搶分，但本地騎師鄭雨滇，昨日卻打破佢地嘅壟斷局面，頭兩場勝出「醒少少」同「美的人生」，去到尾場再贏埋「醒目波幅」，連中三元，與潘頓看齊。
       
醒少少大熱勝出，姿態輕鬆。

馬迷總覺得騎練對每場賽事都可以算得清清楚楚，但係原來圈中人都有唔少計錯數嘅時候。就好似尋日頭場咁，何良隻「勇先生」辣操一輪，搵埋巫斯義執韁以馬房第一選身份報名，一心諗住砌盡求交代，點知搏起上來就係偏偏差少少得個梗頸四，但係最終贏馬嗰隻就係成為大熱嘅廐侶「醒少少」。
       
鄭雨滇

良哥講番「醒少少」，話隻馬雖然細隻些少，不過今季始終大熟大勇，加上阿滇又發揮得好好，再贏都唔算意外，季內只要有適合途程嘅賽事，一定會繼續部署爭功。