阿根廷內訌小保加受讓筍

猪拉多纳

隨住歐聯落幕，U21歐洲國家盃及洲際國家盃又未開鑼，南美自由盃已經係周中嘅主打盃賽，喺上周上演嘅8強首回合，4場波就只得1場分到勝負，相信今個周中舉行嘅次回合會更加精彩。
吼埋1.52倍富明尼斯晉級

聽朝早會進行其中兩場自由盃8強次回合比賽，紐維爾舊生會返主場迎戰小保加，上演阿根廷內訌，呢對歡喜冤家喺首回合打成0:0平手，繼而再於周一朝早嘅阿甲碰頭，結果小保加作客慘負0:4，今次呢隊阿甲排尾二嘅老牌球會，再次造訪聯賽「一哥」紐維爾，就咁睇好似冇運行，但查實上場聯賽佢哋上半場未完就打少個，最終慘敗係可以理解，再者小保加近6場自由盃亦只係輸過1場，今仗受讓要捧1.85倍「讓球客勝」。

（有線61、201及廣東體育周四早上6:30直播）

緊隨其後上演有巴拉圭嘅奧林比亞會主場迎戰巴西球隊富明尼斯，首回合雙方又係打成0:0。富明尼斯今屆防守穩健，近5場自由盃有4戰保持不失，今仗只要爭取到作客入球，就好有機會過關，呢場博1.52倍客隊晉級。（有線61及201周四早上9:00直播）
足球重心：小保加（讓球客勝）、富明尼斯（晉級）

馬膽推介：2場（6） 創出商機

減夠分後上場強配巫斯義即刻跑番個第2，今次由11檔變成排5檔，應該夠速度貼欄領快，唔難反先「寶正勁」。
自由盃賽制

採主客兩回合制，今輪為8強次回合。如兩回合計打和，將計算作客入球優惠，未分勝負的話，將於次回合法定時間後互射12碼決勝。