紅牛超班撐「讓主」

猪拉多纳

聽日賽事尾輪以美職同巴甲為主，講心水力奇鍾意（六）33紐約紅牛對溫哥華白帽嘅「讓主」，紅牛今季表現突出，射手亨利腳風勁順，反觀白帽實力差幾班兼且作客，今鋪輸少當贏啦！
哥連泰斯搏盡求開齋

紅牛目前喺美職排第2位，計鋒力更係聯盟No.1，由於佢哋較唔少對手都打多幾場，為免之後會被趕上，今鋪更不容有失。球隊火力強勁，老將亨利更以6個士哥排喺射手榜第3位，雖則話澳洲國腳卡希爾因為要踢國際賽今仗缺陣，但以呢班波嘅人腳，要贏白帽都綽綽有餘啦！特別係白帽依家喺美職嘅總排名係第15位，實力唔掂，周中又踢完場加拿大錦標決賽，之後要長途跋涉坐6粒鐘飛機去紐約，體能或受影響，以佢哋今季聯賽客場5戰有4次失2球，想唔大敗都難啦！

揀多場去玩，（六）36哥連泰斯對邦迪比達，主隊係今季奪標大熱，點知開季2戰不勝，要博反彈今鋪鬥志肯定高，前鋒荷西古里路今仗缺陣，由「鴨子」柏圖擔正，分分鐘鋒力仲好，我捧2.2倍「讓主」。