高伯新季尾求「財」

猪拉多纳

　　上期諗住洞察到谷草C+3欄一哩路數，揀了3場1檔馬，點知都係得兩P，尾場「綫路明星」仲跑到無影無蹤，不過，當晚的確大利內欄馬。有時攤路及數據，真係唔可以唔信。

　　今次搵高伯新做主角，無他嘅，踏入季尾見佢不斷攞啲馬出嚟提款，呢段期間頻頻策動大攻勢，像五月贏出7場頭馬，此乃今季單月新高，再比較之前幾個月，四月只得1W、三月4W、二月4W，就知道佢靜完一大輪，儲足子彈在尾聲連環轟炸。

　　呢期高廐出馬唔多，6駒之中，以第五場「財寶星」，以及第九場「飛哥」最啱心水。

　　「財寶星」搏極未贏，練者點會冇壓力，初出田草1200米輸過畀「駿馬名駒」及「仁心仁術」，縮程夠級數；「飛哥」實力就更加唔使多作介紹，縱使只係僥倖至贏到「歡樂時光」，三班必夠，而上場休出表現好，冇理由再出會忽然水準大跌，值得再追。Jack