3連勝弗爆燈 革命勢盛衝擊銀河

猪拉多纳

周一凌晨有兩場美職舉行，較早時間開波有新英倫革命主場對洛杉磯銀河，新英倫革命近期愈戰愈勇，乘勢追擊跌Watta，受讓下「讓球主勝」值得支持。

（周一凌晨4時30分開賽）

最近新英倫革命都幾叻仔，連同盃賽及聯賽取得三連勝，完全擺脫今季未曾打疊贏嘅不良紀錄。更重要係剛啱喺盃賽以大比數擊敗羅徹斯特犀牛，對提升球員士氣有幫助。洛杉磯銀河為上季總冠軍，但今季表現明顯退步，剛於盃賽面對低組別球隊都踢不出應有水準，今場讓波唔抵玩，「讓球主勝」較可取。
火燄燃燒華盛頓聯

芝加哥火燄主場對華盛頓聯隊，主W可優先考慮。華盛頓聯隊上季表現極佳，以東岸第二名身份進入季後賽。點知今季演出大跌Watt，踢過十二場聯賽只得一勝，聯賽作客落敗率仲幾近七成。現時華盛頓聯隊可謂失去方向，好難畀到球迷信心。剛於盃賽取得勝利嘅芝加哥火燄，本輪聯賽憑着主場之利可望輕鬆擊敗弱勢球隊，主W有1.78倍值得捧場。