銀河唔齊腳讓唔起革命

猪拉多纳

雖然下周先至係國際賽期，但由於歐洲各主流聯賽都完成得七七八八，故唔少國家隊都趁機會踢熱身賽，於是難免出現同球會搶人情況，就好似効力拜仁嘅「森巴孖寶」就被巴西國家隊強行徵召。美職方面，由於美國今晚會同德國進行友賽，唔少美職球會都唔齊人，投X前要特別小心。
芝加哥 華盛頓死火冇攻「細」

今晚有兩場美職賽事，率先上演有新英倫革命主場迎戰洛杉磯銀河，客軍早前向愛爾蘭國家隊屈服，提早放王牌射手羅比堅尼向國家隊報到之後，中堅奧馬干沙利斯亦要代表美國國家隊披甲，實力難免削弱。事實上，銀河近4次作客有3場輸波，讓唔起近7戰僅1敗嘅新英倫革命平半，要1.88倍下盤。

（開賽時間：周一凌晨4:30）

尾場由芝加哥火燄主場對華盛頓聯隊，今戰都算係海軍鬥水兵，所以雙方都冇乜球員要踢太公波，華盛頓開季至今13戰僅勝1仗，對上6場4度交白卷，芝加哥近4場聯賽亦只係入得1粒，估計會係悶戰一場，1.68倍入球細屬投X首選。

（開賽時間：周一清晨5:00）