級數冠絕群雄 狂牛小兵打殘俄U21

猪拉多纳

U21歐國盃分組賽今晚將會上演兩場精彩嘅B組賽事，稍早開波嘅衞冕冠軍西班牙U21有力砌低俄羅斯U21全取3分，開出讓半一嘅1.78倍上盤，夜啲再有荷蘭U21對德國U21有望齊齊勁入波，直取1.88倍入球大啦！

西班牙喺上屆賽事輕鬆奪冠後，喺今屆外圍賽同樣以9勝1和佳績強勢打入決賽周，而且陣容大部分都係由經驗豐富嘅「西甲腳」組成，再加埋迪基亞等英超兵，牌面絕對冠絕群雄。陣中最矚目嘅當然要數唯一嘅葡超兵、賓菲加箭頭洛迪高摩連奴，呢位前鋒為國家隊上陣12次已經攻入14球，拍住趕得切傷愈復出嘅「神童」蒙尼恩、艾斯高及堤亞高艾簡達拿等「超新星」，要擊敗外圍賽戰績一般、以俄超球員任主力嘅俄羅斯，唔係難事吖。

（開賽時間：周五凌晨0:00）
荷德戰勢開「大」

至於荷蘭班大國腳近年雖然在國際賽交白卷，但小國腳近10場賽事獲得8勝，當中7場至少射入3球，就證明以盧克迪莊為首嘅鋒線唔嘢小，加埋「小橙衫軍」攻強守弱，近8場得2場冇失波，對於近8場得1戰冇波入、以熱刺中場賀治比為首嘅「小日耳曼軍」嚟講，要取得入球唔係難事，當然要開場入球騷啦！

（now633及635台周五凌晨2:30直播）