偉寶之星上仗水準高

猪拉多纳

　　前晚跑馬地賽事場地偏差甚大，大後上馬幾乎冇運行，下次買馬就算幾好心水，亦要睇時勢做人了。今次十場田草賽事於明日舉行，周末跑馬常出冷，宜加留意。

　　第一口孖T頭關第三場四班1600米，「業盛於和」今季勤跑，可惜近九戰都得個近字，未能獲勝，而評分亦「卡」在49分，惟見其狀態穩定，加上前仗於田草1400米交出不俗表現，故在這場「海軍鬥水兵」場合下，推介此駒作馬膽。

　　「業盛於和」前仗出爭田草1400米，先來一個大慢閘，加上該日場地大利放頭，縱使步速甚快，前領馬亦唔斷，對後上馬來說，可說是受難日，惟「業盛於和」竟可追入亞軍，足證現評49分，入三甲是沒有問題的。而上仗回谷草1650米，遇慢步速下追入殿軍唔算曳，今次轉至田草1600米，遇弱旅可捧。

　　尾關四班1200米，「偉寶之星」這匹質新馬只出戰三次，上仗終於在同程試出彩虹，該役步速被「海之濤」帶得相當快，前領馬唔輸遠，其實算叻。但最要留意是，跑第十一的「海之濤」接戰竟然贏馬，而同樣跟前跑獲第五的「帝聖駿駒」再出又贏，「偉寶之星」名次比牠們高，今仗怎會冇表現。洋超