葉楚航搏五七九場

猪拉多纳

　　較早前人人以為葉楚航最大威脅係蔡廐，點知呢個神仙唔知遊咗去邊？！連續多期冇馬贏。反觀東方兩廐密食當三番，依家東廐贏至59W、方廐56W，冇畀葉廐彈開。

　　照睇個勢，蔡廐好似舉手投降，冠軍之爭應該係葉東方三廐。由於葉廐領先地位唔係好穩陣，唔贏多場頭馬鞏固自己榜首地位，容乜易畀告東尼一聲唔該就趕過頭。

　　其實，望一望今期陣容，前領3個馬房都有大舉出擊之勢，到底邊個成為今日贏家，好難預測得到，不過，3人必有戰意呢個係預期之內，所以，提醒各位，一定要吼實葉東方三大廐。

　　相比之下，筆者今日睇高葉廐多啲，第五場「駿多贏」、第七場「太陽海岸」和第九場「旅遊名牌」乃個人心水，3駒有近績支持，又唔係冇賠率，唔吼呢類馬，隨時走寶。Jack