挪威Ｕ21心雄照爆小藍軍

猪拉多纳

U21歐國盃A組分組賽最後一輪比賽，「神奇球隊」挪威U21信心爆棚，唔赦意大利U21！挪威U21異軍突起，上仗打到「冇牙幼獅」一戙都冇，目標直指4強。意軍已出線，佢哋無論大、細國腳都係算死草，主力恩斯治尼今仗又上陣成疑，讓唔起對手！

（周三凌晨零時開賽）

決賽周前分析今次A組球隊，「小藍軍」係高半班屬出線大熱，另一個晉級席位應該係英格蘭U21同主辦國以色列U21之爭。但挪威U21原來勁到無倫，屬高質素攻擊型球隊，中前場推進非常快速，一進攻就大把球員殺入禁區，把握力仲要不俗，上仗對英格蘭U21無論攻守都凌駕對手，處理第二、第三個入波都好有卡士。之後面對英軍強攻，挪威亦不慌不忙，最後贏3比1算少。睇番形勢，佢哋積4分排第二，多主辦國3分，今場和波就肯定出線，今鬥意軍冇乜壓力，亦唔會刻意穩守求和，球隊打番自己耍家戰術發揮有保證。

意大利U21兩連勝已經出線，上仗數以色列U21四蛋，中場靈魂恩治斯尼受傷，今仗預料唔會冒險出場。睇咁多年意大利踢國際賽，都係目標為本，今場毋須砌盡讓波要唔過，捧「讓球主勝」。

幼獅為「飛士」大起以色列
另一場英格蘭U21鬥以色列U21，「幼獅兵團」冇隊形冇創造力，但班球星為挽回面子都會搏盡，主隊亦唔攻唔得，今場捧大。

（now 633及635周三凌晨零時直播）