白俄芬蘭細均力敵

猪拉多纳

今日繼續由世界盃外圍賽做主打，踏入呢個階段，賽事競爭性大增，唔少實力分子都要打真軍，好似中北美洲雙雄墨西哥同美國，佢哋未肯定出線，作戰態度正面，確有可取之處。不過，呢類賽事始終都係變數大，肥叔不厭其煩咁提醒大家，呢啲波唔好買得大。是日睇中場歐洲區I組賽事，白俄羅斯主場對芬蘭，要細盤！

（周三凌晨1時開賽）

單睇戲碼，白俄羅斯對芬蘭確係冇乜吸引力，不過，賭波唔同睇波，有啲波好睇唔好賭，今場波係好賭唔好睇。兩支歐洲三、四線球隊上輪啱啱碰頭，芬蘭主場小勝一球，外籍大戶喺走地出手狂追細盤得手，真係睇得好準，今次主客互調，形勢變化唔大，兩隊波同樣欠缺一位可靠射手，預期都係悶戰一場，入波偏少，細盤開出機會好高。

智利讓「玻」冇有怕
同日南美洲區賽事智利主場對玻利維亞，智利陣內湧現唔少新星，現時已成南美球壇新興勢力，仍然有唔少上升空間，前景都幾樂觀。佢哋依家已成南美一線尾球隊，主場出擊惡到暈！玻利維亞係正宗門口狗，離開自己地頭完全冇料到，今次大幅受讓都係靠唔住，呢場可捧上盤。

肥叔心水
澳洲上盤

烏茲別克下盤

白俄羅斯細盤

厄瓜多爾平手盤

墨西哥上盤

智利上盤

美國上盤