卡羅萊納鐵路鷹歎芝華士

猪拉多纳

美聯盃16強開戰！
美職聯賽盃進入16強階段，過往本圈牽涉乙組球隊嘅賽事，足智彩都未必開盤，但可能近期實在冇乜波選擇，所以8場16強大戰都悉數受注。本圈尚有4支非美職球隊在陣，或者大家都未必睇得佢哋起，但其實唔少美職球隊都對呢隻盃仔不感興趣，翻查往績，上屆都有3隊次級聯賽隊伍殺入8強，就知一眾名不經傳嘅奇兵不容忽視。

「惡客」暴徒玩殘伐木者
本圈4隊次級聯賽球隊當中，應以甲組嘅卡羅萊納鐵路鷹最有條件突圍，佢哋今戰喺主場越級挑戰美國芝華士，賠率竟然係較熱嘅一隊，主W僅得1.9倍就知唔簡單，佢哋連續兩屆都喺第3圈淘汰美職名牌洛杉磯銀河，反觀對手美國芝華士喺美職西岸排緊包尾，對上6戰亦輸足5場，唔似有能力分心搶盃。

（開賽時間：周四早上7:15）

本來美聯盃一定要撐喺2009至2012年取得4連霸嘅西雅圖海灣者，但佢哋今屆居然喺上圈出局，爆冷淘汰佢哋嘅就係甲組仔譚柏灣暴徒，今戰呢班暴徒就會作客波特蘭伐木者，一於冷敲3.15倍「讓球客勝」。（開賽時間：周四早上10:30）

美聯盃賽制
今輪為第4圈賽事，打和加時30分鐘，再和則互射12碼決勝負。