超班小狂牛再o趙意大利

猪拉多纳

U21歐國盃終極戰

「狂牛」再炒「藍衫軍」？今晚U21歐國盃決賽重演上年夏天歐國盃決賽戲碼，由意大利決戰西班牙。雖然保持賽事奪冠紀錄嘅意大利表現令人驚喜，不過面對實力明顯超班嘅「小狂牛」，分分鐘好似一班大國腳咁喺決賽慘遭痛擊，當然要捧西班牙讓半一嘅2.05倍上盤啦！

（now633及635台周三凌晨0:00直播）
西班牙U21攻守兼備

曾5奪U21歐國盃嘅意大利喺4強戰對荷蘭雖然被看淡，但憑住嚴密布防同鬥志，即使大部分時間處下風，仍靠波連尼一箭定江山贏波，表現的確值得畀掌聲嘅，可惜入到決賽要面對衞冕嘅西班牙，爆冷機會似乎渺茫啲喇！冇錯，小妹都覺得「小藍衫軍」嘅防守值得一讚，至今4場賽事只失咗1球，但唔好忘記「小狂牛」嘅紀錄更癲喪，4場全勝、連續2場炒對手3蛋之餘，更係1球不失，攻守俱佳，喺U21嘅層面可以話係「打遍歐洲無敵手」！
藍衫軍恩斯治尼1打3

其實西班牙喺今屆賽事明顯繼續超班，淨係講條中場線，除咗堤亞高艾簡達拿同艾斯高兩件一早成名嘅新星外，表現獲激讚嘅皇家蘇斯達中場伊拿拉文迪亦完美取代查維馬天尼斯，成為「小狂牛」控制戰局嘅關鍵。睇番意大利陣中拍得住佢哋嘅只得恩斯治尼一人，但對住呢個「鐵三角」相信要捱打喇！

況且「小狂牛」前線仲有4場入4粒嘅艾華路莫拉達攻堅，呢位高大射手由第1場分組賽後備上陣取得士哥起，腳風一直極順，有佢喺度就係入球保證，加埋後上嘅艾斯高、基斯甸泰路同蒙尼恩等個個都有力數胡，睇嚟意大利要有奇迹出現，先可以捱得過90分鐘喇！
賽制：

今場為決賽，如法定時間內打和，將加時30分鐘，未分勝負則互射12碼決勝。

猪拉多纳