馬模反彈客勝值博

猪拉多纳

今晚瑞超嘅西里安斯卡主場迎戰馬模，主隊自從4月尾小勝佐加頓斯1粒之後，整個5月都冇贏過，前鋒杜歷同中場比森古歷仲話大腿有傷，未知出唔出得，狀態低迷兼夾陣容不整下，今場遇着成功從谷底反彈，上輪贏波終止連續5場聯賽不勝劣勢嘅馬模，1.6倍客勝係不二之選。

再醒多場畀讀者玩過關，米贊比自首場主場輸波，過後5戰4勝1和勢不可擋，除咗中場基斯甸希尼斯着晒火係咁入波，射手柏艾歷臣更傷愈復出，可以夥拍艾堅貝治數胡，對住連續兩場作客吞蛋輸波嘅卡爾馬，2.1倍主勝相當值博。