墨西哥頭炮打得響

猪拉多纳

級數卡士贏晒希臘

假土耳其舉行的世青盃今晚進行兩場D組首輪賽事，頭場墨西哥U20對希臘U20。墨西哥小國腳喺三月擊敗美國，成為中北美洲區王者。球迷都知道墨西哥青訓一向做得幾好，去年倫敦奧運亦力壓巴西贏得男足金牌，級數一定喺希臘之上，主W必揀。

（TVB網絡電視01頻道及now 801周六晚11時直播）

墨西哥小國腳能於中青賽封王，並非單靠前線球員「霎醒」，後防球員一樣交到貨，中青賽MVP就係由墨西哥後衞比辛奴奪得，其他墨國守將包括希格度馬連、法蘭斯高科利斯、貝拿度靴南迪斯以及門將李察山齊士，竟然全部入選中青賽最佳十一人當中，可見穩健後防係佢哋其中一項重要爭勝本錢。

墨西哥除咗後防好之外，前場一樣有料到，當中効力墨西哥球隊帕丘卡嘅十九歲前鋒馬高般奴速度高兼有腳法，早排仲傳出西甲馬德里體育會有意收購，今場就可以睇吓佢有幾犀利。

希臘打法粗枝大葉，而且近期踢熱身賽都冇料到，面對有前有後嘅墨西哥會好難頂，今場主W應該冇走雞。
巴拉圭進取吼大

同組另一場巴拉圭U20對馬里U20，南美球隊巴拉圭踢法非常進取，就算輸波都照攻，相信今場會同馬里合演入球騷，大盤要留意。

（TVB網絡電視02頻道及now 810周日凌晨2時直播）