威威具星匆出捧盃

猪拉多纳

　　冠軍練馬師之爭，暫時焦點落在葉、東、蔡三廐身上，方嘉柏稍稍墮後，似乎較少人品題他的旗下馬，結果剛戰尾場即爆隻「開心至愛」。賽果提醒我們，方廐馬何時也不能小覷。

　　今日第八場1000米精英盃，只得六駒上陣，是否冇得爆？記得上周日頭場的四班1600米也得八駒上陣，結果便由16倍的「軍士」取勝，足見賽馬世界並無理所當然。這場精英盃，方廐派「威威具星」及「天合」雙龍出海，個人較看好前駒。

　　首先，方廐匆出馬常有神來之筆，隔兩日出賽而捧走跑馬地銀瓶的「勝哥兒」便是明證，今次「威威具星」隔三日上陣，體力方面並不令人擔心。其次，此駒上仗的演出確實出色，當晚牠由於出閘時煩躁不安，早段失地甚多，惟末段居然爆出全場最快的22.39秒追入殿軍，可見現評99分必未飽和。季內已試過在直路賽輕勝，路程性能毋須擔心，有望捧盃而回。

　　好健康有分在手

　　尾場三班1400米，看好苗廐「好健康」。初出即以PPG身份勝出1400米，保守估計起碼值80分以上，次仗不敵實力高強的「首席」得第二，不算叫人失望。上仗此駒再贏1400米，卻完全放棄一貫的後上跑法，改為由頭帶到尾，如果沒有大量虛分在手，根本冇可能做得到，今番難尋對手。向東

　　不穩馬

　　第四場「好好運」隔晚有飛，應是近兩仗在同程入Q惹來憧憬，但上仗牠全程慳位兼佔慢步速之利，表現未算出色，季內13戰未勝，捧W有戒心。