希爾星堡勇銳大騷可期

猪拉多纳

今晚有兩場瑞典超賽事，其中希爾星堡將於主場迎戰AIK蘇納。希爾星堡近9場賽事取得7勝2和不敗的佳績，士氣如虹。AIK蘇納近4仗取得3勝1和狀態亦不差，兩支近況甚弗的球隊碰頭，阿King預期今仗會上演入球騷，捧入球大！

（周五凌晨1時07分開賽）
AIK蘇納有力駁火

希爾星堡現時排於瑞典超的前列位置，球隊自從4月中主場不敵米贊比後，已連續9場未嘗敗績，當中更有7場係贏波，可見球隊表現完全上晒力。同時，希軍入球能力強勁，近9場合共攻入對手24球，其中主場更連開4口「大盤」。對手AIK蘇納近4仗取得3勝1和，其中作客更連贏兩場，可見呢班波客場出戰都唔會以防守為先，照樣搶攻全力爭勝，預期今仗入波一定唔會少，捧入球大。

另一場瑞典超由馬模主場對赫根，馬模最近錄得3連勝，完全走出早前贏唔到波的陰霾；對手赫根作客雖兩連勝，但對手只係榜末的咸史達斯及西里安斯卡，今仗面對實力甚強的馬模相信難以再下一城，捧主隊。

（周五凌晨1時開賽）