土耳其主W袋袋平安

猪拉多纳

遇魚腩澳洲和都唔收貨

世青盃C組最後一輪賽事，東道主土耳其U20迎戰澳洲U20。土耳其上仗意外失分，不過身為主人家點會咁失威於分組賽拜拜？今仗遇上非勝不可但狀態曳到冇朋友嘅澳洲，正正係贏波反彈嘅好時機，主W不容錯過。

（TVB網絡電視02頻道及now 810周六凌晨2時直播）

講番C組形勢，土耳其上仗輸畀哥倫比亞兼失去榜首地位，今仗只要不敗就肯定晉級，相反對手澳洲U20必須贏波先有機會出線，呢場別無他法惟有焗攻。睇番近況「小袋鼠」近九仗未嘗一勝，愈踢愈沉，上仗對弱旅薩爾瓦多都輸波，成就對方取得大賽首場勝仗，球員比賽信心可以話跌到落谷底。

至於土軍有巴基斯、卡漢奧奴及奧薩亞等德甲兵助陣，實力毋庸置疑，上仗對住哥倫比亞力戰僅敗，身為主辦國難得遇到魚腩，土耳其唔會甘於和波出線，點都要贏番場漂亮勝仗向粉絲交代。
澳洲焗攻隨時出醜

況且「小袋鼠」今場焗攻，令原本不穩嘅防線隨時錯漏百出，益晒主隊銳利嘅反擊，主W有1.56倍咪嫌少呀。