蓮花盛放三班夠爭

猪拉多纳

　　眾所周知，伍碧權與梁定華玩埋今季便退休，前者近期殺得性起，連日攻勢浪接浪，剛戰又憑「心中有程」添進帳，如今累積三十四W，成績遠較近季出色。由此可見，權哥離別在即，果然心急搵「退休金」！

　　那麼梁定華又如何呢？華哥成績也大躍進，現時取得十七W，對比上季埋單僅九W，升幅接近一倍，總算飲得杯落。現階段華哥鬥志毋庸置疑，可惜他贏來贏去俱是四、五班賽，獎金有限，炒埋都唔夠一碟。

　　今次角逐第九場三班1800米的「蓮花盛放」，此駒現評60分，明明可降至四班比賽，惟幕後偏偏棄易取難，安排馬兒續跑三班。華哥此舉是自視甚高？抑或期望贏番場三班賽？答案便要跑後方知。

　　若以馬論馬，「蓮花盛放」曾於田草1800米走近，回看總場次571，牠敗給頭馬「奪金」一又四分一身位得第五，該役亞軍是公認超級的「品學兼優」！至於蹄下敗將，近期也見「綠豆爽」和「天賜駿駒」輪流上名，反映「蓮花盛放」身處三班毫不吃虧。既然三班夠砌，那又何必自降身價跑四班？華哥今鋪要威番次了！賭博士