小獅求翻身玩大佢

猪拉多纳

世青盃E組最後一輪，「小獅兵團」英格蘭U20得個名氣響，鬥埃及U20唔係啅硬！英格蘭無論大、小國腳都咁唔爭氣，之前U21歐國盃，「幼獅兵團」3戰不勝分組賽包尾出局，今次U20亦唔好得幾多，首戰伊拉克U20領先2粒都被追平，上仗鬥智利U20全場被撳住打，好彩前鋒哈利卡尼入番粒，先僅僅逼和1比1。雖然執番1分，但球隊落後伊、智兩軍2分排第3，換句話講今戰非勝不可。但要贏就未必贏到，事實上「小獅兵團」於世青盃戰績曳到震，已連續17場贏唔到，可見英格蘭啲細路仔非常唔掂。

反觀「小埃及」腳下功夫唔曳，只係執行戰術一環未夠火候。其實分組賽前2場，佢哋都頭威頭勢，只係後防不濟招敗，如今已篤定出局「零壓力」下，放開懷抱喪攻，捧大好路。

（TVB網絡電視01頻道及now 801周日凌晨2時直播）