福格拉夫約杜爾+1冇難度

猪拉多纳

今晚續演四場世青盃十六強賽事，其中葡萄牙Ｕ20硬撼加納Ｕ20。今今屆歐霸盃第一圈外圍賽展開，呢個階段有好多不知名球隊湧現，今晚首回合賽事就有法羅群島球隊福格拉夫約杜爾主場出戰北愛爾蘭連菲特。斯維不嬲以態揀波，雖然北愛山寨王連菲特係歐戰嘅常客，但佢哋啱啱開操冇耐，只係喺前幾日踢過一場熱身賽咁大把，狀態絕對成疑。

相反法羅群島聯賽已經進行咗一段時間，福軍挾住七仗未嘗一敗嘅氣勢，趁對方未上力隨時偷到雞，有主場之利兼受讓咁筍，「讓球主勝」有得諗。

（周四凌晨2時45分開賽）