紅鑽瓣瓣有風林唔夠揪

猪拉多纳

日職今日重開，仲要有番直播，肯定可以進一步提高投X額。日本波不但水平高，而且識包裝，佢哋成功將運動員明星化，真正做到入屋，呢點絕對唔易。中國球員都有代言產品，但講到尾始終付出唔夠人多，搞到停滯不前。講番今次推介，浦和紅鑽有王者之風，對住甲府風林贏得！

（周六下午5時開賽）

紅鑽不嬲都係日職名牌，今季季前唔少行家都睇好佢哋有條件爭標，睇番頭十零場波，班兵踢落好對辦，現時落後榜首大宮松鼠分數唔多，兩隊仲有排鬥。甲府風林係典型弱旅，瓣瓣唔掂，今場波會喺東京國立競技場踢，冇埋主場優勢，風林無力爆冷。紅鑽現時讓半一，盤口合理，呢隻上盤可作是日重心。
艾夫斯堡主場有作「維」

同日瑞典超賽事艾夫斯堡主場對阿維達貝治，呢隊艾夫斯堡出名主場夠惡，對住次級球隊搏殺好少失手，阿維達貝治今季打得唔錯，近況亦佳，但級數始終輸蝕，頂唔住主隊，受讓信唔過，揀上盤。另美洲金盃正式開打，以往呢個賽事紀錄唔多好，今屆仲有唔少不明物體，奉勸大家都係觀望為先，絕對不宜大注搏殺。

猪拉多纳