市原飛腳名牌大駁火

猪拉多纳

日本足球整個制度好健全，而且透明度高，每逢暑假例必成為菠菜市場重心賽事，唔單止日職多人玩，連日乙都有唔少捧場客，今季更有大阪飛腳及神戶勝利船等名牌球隊，成功推高整體投X額。大阪飛腳上輪狂勝對手，但今次作客同屬名牌嘅千葉市原唔易踢，兩隊火力勁，玩大盤好過估勝負！

（周日晚6時開賽）

大阪飛腳係日本傳統名牌球隊，今季降落日乙成為各界焦點，佢哋人腳真係好鬼犀利，季前早被行家視為升班熱門，事實上打落亦好對辦，唯一缺點係太扯飛，經常讓得多，唔易買。飛腳上仗轟入八球狂勝FC岐阜，今次梗係再次受到散客追捧啦，不過打波一場還一場，今戰遇上日乙實力分子千葉市原並非贏硬，考慮到兩隊都有士哥能力，捧入球大最好。
馬模攻力勁追大

跟住同大家睇吓北歐波，芬蘭聯賽惡名昭彰，好多莊家都怕怕，玩北歐波首選都係瑞典超。呢個賽事勝在架構好，賽會做嘢清清楚楚，唔怕畀人搵笨，冇乜波好玩嘅時候都值得留意。今輪馬模主場對加費萊，兩隊都啱啱打完歐霸盃外圍賽，論實力馬模明顯高啲，呢隊波攻力勁，喺國內賽事頻頻開大，大路未見盡時，一於追多口！

（周日晚9時03分開賽）