火紅人質高補中

猪拉多纳

　　終於來到今季煞科的時候，明晚跑馬地馬場上演九場賽事，由於練馬師之爭太激烈，未鬥至最後一刻，真的不知鹿死誰手。然而，馬迷們度馬時，別以為戰意大過天，而盲門追捧葉東蔡三廐的賽駒，賭馬賭的，始終是馬匹的質素。另外，由於明晚跑九場，某些編作大彩池的場次自然與八場時有所不同，投X時最好先望清楚。

　　第一口孖T頭關第三場四班1200米，何廐「火紅人」至今只上陣一次，即跑入亞軍。該役路程為田草1000米直路賽，雖然「火紅人」被頭馬「一定贏」彈甩三個馬位，但前駒幾乎全程走內叠不利場地，印象中，近期直路賽能於內叠大後上入Q之馬不多，最令人印象深刻的是新馬賽的「戰利品」，接戰增程立即贏馬。而「火紅人」亦能大後上入Q，質素一定唔曳，今次轉跑谷草1200米雖要面對急彎，但憑質素應可克服。

　　尾關四班1650米，「威水福星」自伍廐轉投葉廐後，只出戰一次谷草1650米，由於鞍上人韋達全程走三四叠望空，難得此駒最後仍能交出後勁追入殿軍，其實算有交代。今次「威水福星」改配黎海榮未必唔好，事關騎者近態亦弗，有好馬點會唔盡力幫航哥？洋超