葉楚航告東尼鬥到尾

猪拉多纳

　　好嘞，來到今季最後一期賽事，預祝讀者們贏到開巷，由頭場贏到尾場！開開心心放暑假。

　　今期破天荒谷草設有9場夜賽，大家適唔適應都唔關事，睇嚟下季事在必行，填鴨式般日馬11場、夜馬9場。不過，作為馬迷，有馬賭，唔會理咁多，勝過暑假戇居居。

　　而冠軍之爭，好難相信蔡約翰一晚贏4W、方仔狂數7場，呢啲奇蹟式空話，所以，今晚係葉楚航與告東尼決戰最終回，邊個做阿一？真係好難講，表面上，葉廐帶先兩場，但睇今期兩廐出馬實力，東廐稍稍秤先，唔係冇可能追平或反先。當然，二人各出7駒，未跑過，唔知戰果。假定二人今晚均有着落，最好機會應該在第四、七場。

　　第四場「牛精仔」上次跑一哩，放得鬼死咁快，一樣唔斷，真係好堅，只要演出唔反覆，可望放返。第九場「勁飛翔」，轉跑一哩未衰過，冇W有P，趁氣勢殺上三班，唔會冇得爭。Jack