有實數須公布

猪拉多纳

　　日前馬會公布王志偉（圖）不獲續牌，真係幾意外！係咪純粹因為5場頭馬唔夠數？抑或其他原因，如果係前者的話，騎師發牌制度一直未有準則，唔似得練馬師設有下限，要贏夠13W先至上岸（下季15W）。

　　5場頭馬算唔算少？湯智傑7W可獲續牌，只多王志偉兩場，唔通7場頭馬以下係死線？如果真係有個實數，點解唔公布出嚟？騎師要贏幾多場？或獎金要到數，先至繼續有得玩？起碼下游騎師得個知字。

　　老老實實，騎咗超過半年嘅薛寶力，成績唔見得好去邊，1月中開始客串，交出13冠28亞23季，勝出率低至3.2%，上名率多唔到王志偉3個百比點，但薛寶力出賽總數多出一倍！如果咁計，王志偉夠晒理由續牌。